Den fin di siman a tuma luga e Austrian Open na Innsbruck Austria cu participacion di 838 atleta y Aruba tabata tin dos participante den nomber di Jourdé y Záhyon Klabér.
Jourdé Klabér a bringa den e categoria di -63 kilo cu tabata tin 32 atleta. Jourdé Klabér su prome pelea a bay contra di Seyedehsan Naghibzadeh di Zwitserland y Jourdé Klabér a gana esaki cu un score di 17-5. Den e di dos pelea Jourdé Klabér a topa cu Iordanis Konstantinidis cu ta un medayista brons di campeonato mundial y Jourdé Klabér a mustra mucho respet, esaki a coste e pelea y Jourdé Klabér a perde esaki cu un score di 15-5.
Záhyon Klabér no tabata tin e suerte manera Jourdé Klabér cu si a logra gana su prome pelea. Záhyon Klabér a topa cu Federico Gonzalez di Uruguay y Záhyon Klabér a perde e pelea cu un score di 23-13.
Henk Meijer tabata hopi contento di por a mira un crecemento den e dos rumannan Klabér for di Santo Domingo y Puerto Rico. E resultado cu nan a duna ta un muestra cu nan no a perde pa cero punto. E siman aki nan lo sigui nan training cerca Henk Meijer na Groningen preparando pa Luxembourg Open.
