Resultado di Colegio EPI e aña aki ta miho cu añanan pasa

267

E diferente unidadnan di Colegio EPI ta honra di haci entrega di diploma na e graduadonan di e diferente programa di educacion den e dianan nos dilanti. E resultado total di graduacion pa Colegio EPI ta 74% y un total di 269 profesional cu diploma di MBO. Esaki ta un mehoracion significativo pa EPI compara cu aña escolar 2017-2018 (59%) y 2018-2019 (68%).

E resultado pa e diferente unidadnan ta como lo siguiente;

  • 76% na unidad Ciencia & Tecnologia
  • 87% na unidad Economia
  • 68% na unidad Hospitalidad & Turismo
  • 71% na unidad Salubridad & Servicio

Colegio EPI ta yama danki di curason na henter su personal pa e trabou increibel haci, vooral durante e ultimo 4 lunanan cu Aruba ta bibando den crisis. Di mes forma ta felicita tur graduado y ta desea nan hopi exito pa futuro!