Den cuadro di e gran celebracion di Aruba su dia Nacional di Himno y Bandera, dia 17 di maart ultimo, Aruba Domino Bond a organisa su promer competencia di Domino cual a tuma lugar na Club Sportboys, cu un danki special na Brouwerij Nacional Balashi, como tambe Gobierno di Aruba por medio di Subsidie comissie.
44 Atleta renombra den e mundo di Domino na Aruba, a yega hunto pa bataya den un fuerte y exitoso torneo basa riba criteria internacional, den un competencia Individual di domino.
Na final di un atardi sumamente exitoso, Aruba a conose su top 4 atletanan den domino den categoria Individual.
Resultado ta como lo siguiente:
Promer lugar: Jeffrey Blijden
Di dos lugar: Antonia Solognier
Di tres lugar: Andy Farro
Di cuarto lugar: Sunny Ramchandani
Torneo Individual aki ta e prome den e serie di 5 cu lo wordo organisa pa Aruba Domino Bond pa anja 2019, pa asina por tin e ranking di e mihor Atletanan di Aruba cu derecho pa participa na e gran Torneo di Domino Mundial, cual e anja aki lo tuma lugar na Puerto Rico den luna di October.
Mientrastanto, Aruba Domino Bond ta den full swing preparando pa otro Campeonato Nacional di Domino Balashi 2019, unda lo tin 8 equipo participando pa e titulo maximo di Campeon Nacional Arubano.
Den cuadro di progreso, Aruba Domino bond cu su direktiva dinamico ta moviendo cu tempo moderno. PA esaki ta posibel, direktiva hunto cu su miembronan a opta pa digitalisacion di su campeonato. Aruba Domino Bond ta tuma e oportunidad pa gradici Gerencia y personal di SAMS by Manolo, kende a contribui grandemente cu equipo necesario pa asina Aruba Domino Bond tin tur datos y statestieknan digitalisa.
