Despues di Shelter in Place, restaurantnan a haya un sla masha duro mes, pio awo den e di dos brote di Coronavirus, unda por bisa cu practicamente tur restaurant cu ta habri ta draai un 25% di loke nan tabata genera aña pasa, segun Jan van Nes, di Aruba Gastronomic Association (AGA). Nan ta leu di por break even.
E unico motibo cu por mantene habri ta e hecho cu nan tin loonsubsidie. E momento cu no tin loonsubsidie y parce cu na luna di september, si no yega na un acuerdo cu Hulanda, no lo tin loonsubsidie, ta e stekker cu ta kita di e respirator y esey ta nifica The end is near pa e sector di Food & Beverage.
Si sigui tur e noticianan cu ta haya globalmente, unda tin hopi hende cu ta perdiendo nan trabao. Durante loonsubsidie no mag di laga empleadonan bay. Pero kico pasa ora nan permiso caduca y tampoco basa riba esey nan no tin derecho mas riba AZV. Ki ta pasa cu permisonan cu ta caduca cu den un sector cu por bisa experticio ey ta necesario. Kico ta pasa cu flexibilisacion di nos leynan di labor. Parce cu tur esey no a wordo toca. Den e luz ey, van Nes ta haya lastima cu presidente di Parlamento practicamente a bagatelisa e carta cu AHATA, ATIA, Camara di Comercio a manda door di bisa e hendenan aki mester a spaar.
Si mira cu un compania grandi manera KLM, e unico forma cu e ta sobrevivi, ta cu practicamente door di un subsidio, door di gobierno Hulandes. Claro, no zomaar e ta den condicion. Den e luz ey tin cu bisa cu ta lamenta cu e forma cu e presidente di parlamento a uza macholanguage pa situacionnan cu realmente no ta den nan poder. E macholanguage cu e por a uza ora land Aruba no a deliver e jaarrekeningnan di e ultimo dos añanan of e por a uza e macholanguage ora cu e budgetnan no a wordo entrega, of e por a uza e expresion of e macholanguage pa e hecho cu e ultimo añanan, no depende di cua gobierno, tin cu reconoce cu a bay door di mal gobernacion.
Segun van Jan Nes, di e 400 restaurant cu Aruba conoce, tin como 100 cu awor aki ta operacional. Un total di 300 di nan a scoge pa no habri nan porta. E momento cu no tin loonsubsidie, nan no lo habri porta tampoco. Y no tin hende riba caya. Di e 100nan cu si ta keda habri y por yama nan
frontliners tambe, pasobra tur dia ta ricibi hende cu no sa den ki estado fisico y di salud nan ta. Pero di e shennan cu ta keda habri, a lo menos mita di nan ya no lo wak luz di dia final di september. E otro mita lo cay na final di october. Kico por spera. Por spera caos. Pakico, pasobra no
kier acepta e unico man cu ta dispuesto pa duna e sosten, pero no carte blanche.
A base di acuerdonan haci, a base di e bon gobernacion y posicion na juli tabata cu laga nos bay di acuerdo, laga nos bay regroup pa un miho posicion. Laga nos wak cu e cantidad di aña cu tin mester pa por pone e isla bek den e atmosfera di bon gobernacion, ta uno cu lo haci uzo di dje. Den esey ta join ATIA, AHATA, Cuido di Salud den e pledge cu tin pa laga nos weita pa por yega na acuerdo pa bienestar di e pais aki.
