Respaldo cu clausura di su curso na Universidad di Aruba

E siman aki a tuma luga tabata e clausura festivo di un trayecto basta pisa di terapia cognitivo. Ta un tipo di cuido caminda cu 15 psicologo a sigui, caminda nan por ehecuta nan trabao tiki mas miho.
Pa 4 siman largo nan a asisti na Universidad di Aruba, bao di guia di e docentenan di e instituto di enseñansa PAHO for di Hulanda, pa nan por a profundisa nan mes den e materia, pa asina sostene e pueblo di Aruba cu problemanan mental y Respaldo ta spera di por traha mas intensivo y miho cu e psicologonan aki.

Segun Lex de Jongh, miembro di directiva cu e cartera bedrijfsvoering na Respaldo, terapia di comportacion cognitivo ta enfoca riba e gruponan di tur edad, jong, bieu, hende muhe, hende homber. Ta pa yuda hende haya un miho bista con nan comportacion tin biaha ta keda manteni den cierto problemanan of ta causa cierto problemanan y ta brinda sosten pa asina bin un cambio den e comportacion.

Respaldo cu clausura di su curso na Universidad di Aruba

Respaldo cu clausura di su curso na Universidad di Aruba. Click e link pa mas https://24ora.tv/2z7TfnY

Posted by 24ora on Sunday, August 18, 2019

E psicologonan cu a sigui e curso aki, di cual 2 di e psicologonan ta den servicio di Respaldo y e resto ta traha riba nan mes, awo por aplica esaki pa nan grupo di meta.
Segun de Jongh, no tin un plan directo pa bin cu mas curso. Pero si nan a tuma pasonan concreto cu e curso aki. Ta haya hopi importante pa e conocimento riba e cuido y por aplica e tratamento aki wordo alsa. Dos aña pasa Respaldo a keda funda como fundacion. Esey ta pasobra na Aruba tin falta di calidad y e cantidad di cuido di salud mental, compara cu otro partinan di mundo.

Un curso necesario

Antoinette Geerman, psicologo pa mucha y hoben, a participa den e curso cu Respaldo a bin cun’e. El a menciona di ta contento di a haya e posibilidad pa participa na e curso aki. E ta un curso cu a duna nan hopi herment pa por eherce den practica, esta pa haci’e di biaha. Increiblemente hopi intervencion cu nan por pas toe. No solamente esey, sino e teoria su tras tambe. El a duna nan un posibilidad pa bin hunto y pa conoce otro psicologonan den veld tambe. Tabata tin hopi cos positivo na e curso aki.
Sigur e tipo di cursonan aki tin mester aki na Aruba. Na Hulanda, e demanda ta hopi mas grandi. Aruba no tin esaki, segun Geerman. E posibilidad caminda cu Respaldo a crea pa un hende capacita y experticio por bin Aruba y yuda nan den veld pa duna nan e hermentnan necesario, ta realmente hopi aprecia.
Geerman ta haya caso di muchanan cu tñmester tin sosten. E ta haci un beroep riba bo profesionalismo. Tin na Aruba un problema. Mester di e profesionalismo aki. Tin demanda y bao di nos hoben y muchanan, bo ta hayabo cu problemanan cu mester di ayudo psikiatrico, ayudo psicologico y kier brinda e ayudo di mas profesional cu por tin tambe. E ta importante, segun Geerman.

Comments

comments