Awe 13 di maart a yega Hulanda Edmond L. (Eddie) Paris MBA., pa asumi su tarea como Representante pa pais Aruba na Union Europeo y alabes como Minister Plenipotenciario Suplente na Hulanda.
Sr. Paris a worde ricibi pa Director a.i. mr. Glenn Ling, kende a dune un caluroso bonbini na Schiphol.
Director a.i. a yama Sr. Paris welkom na e team di Arubahuis y a bisa di ta masha contento cu Sr. Paris kende cu su experticio lo contribui grandemente na Arubahuis y tambe hiba nos pais Aruba padilanti na Union Europeo y Hulanda.
