Hopi ta esnan ku ta pendiente pa e kalènder kulinario di Renaissance Curaçao Resort pa e fin di aña aki. Tur aña di nobo Renaissance Curaçao Resort ta pone e famia sentral na momentu di traha e menú i selektá entretenimentu pa durante dianan di fiesta.
Henter e temporada aki, pueblo di Kòrsou por konta ku platonan sukulento, un ambiente festivo, dekorashonnan bunita i naturalmente un eksperensia total na Renaissance Curaçao Resort. Ta fin di aña, ban disfrutá!
Durante un luna largu Nautilus Restaurant lo tin su Holiday Season Buffet. Eksplorá un variashon amplio di platonan navideño; disfrutá ku henter famia, grupo di amigu of kolega pa $. 35 pa persona inklusive 15% kargo di servisio i 9% impuesto. E dinner buffet di Nautilus Restaurant tambe ta un delisia total, disfrut’é pa únikamente $. 48 pa persona inklusive 15% kargo di servisio i 9% impuesto. E Holiday Season Buffet, sea pa lunch of dinner lo ta optenibel for di 4 di desèmber, 2017 pa 6 di yanüari, 2018. Ta rekomendá pa hasi reservashon.
Aña pasa e Noche Buena a resultá den un anochi realmente espektakular; ta p’esei e aña aki e tei atrobe! Renaissance Curaçao Resort ta invitabo selebrá Noche Buena na Nautilus Restaurant ku un bufèt ku diferente delisia navideño, esaki pa $. 60 pa persona, preis ta inkluí 15% kargo di servisio i 9% impuesto. Pa e anochi spesial aki tin entretenimentu bibu di Benjamin Emanuel.
Pasku den dia, ta e momentu ideal pa topa famia; e Christmas brùnch na Nautilus Restaurant no tin mester di niun introdukshon, ta esun di mas popular na Kòrsou! Hasi reservashon trempan. E brunch bufèt ta kosta $. 70 i ta inkluí 2 glas di sparkling wine pa persona i lo tin entretenimentu bibu di Gilmar Fraites. Por brùnch riba dia di Pasku na di dos piso den Atrium tambe, aki lo tin entretenimentu bibu di Elton Lispier. Pasku anochi, Nautilus ta ofresé su dinner buffet ku entretenimentu bibu di Dopwell Music. Tur preis ta inklusive 15% kargo di servisio i 9% impuesto. Pa informashon i reservashon por yama 435 5034 of email nautilus@curacaorenaissance.
