Durante e entrevista realisa recientemente cu Frances Rugebregt, relacionista publico di Inspectie Volksgezondheid Aruba (IVA), tambe a toca e tema di importacion y benta di remedinan ilegal. E tarea di control ta cay bou di nan seccion di Inspectie Geneesmiddelen. A compronde cu e ta un reto constante ya cu semper tin hopi remedi ilegal ta drenta e isla danki na e demanda cu tin.
“Sigur ta un problema y nos ta haya hopi denuncia di dje,” e relacionista publico a bisa. Nan ta considera hopi importante pa comunidad ta informa y consciente di e peliger di uza of consumi remedinan cu no ta bon controla, cu por ta falso of cu no tabata warda den e temperatura corecto. “E por tin un efecto hopi grave den e salud di nos tur,” Rugebregt a indica.
IVA ta boga pa tur ciudadano ta mas consciente y pa no tuma sin mas remedi di unda cu ta. Ta recorda cu importa, bende y ta den posesion di remedinan sin e permiso adecua ta un un echo castigabel pa ley. Tin algun circunstancia cu IVA ta tene cuente cu ne si.
Pa e relato completo, lesa TREMPRAN
