Reino Uni a anuncia cu nan a manda RFA Argus,, un barco grandi cu por wordo converti den un barco hospital pero cu na mesun momento ta conta cu armamento. Tur esaki a tuma luga un dia despues cu Merca a anuncia cu nan ta mobilisa poco avion pa e region pa corta e vinculonan di e regimen Venezolano cu narcotrafico. Algun dia prome Francia a informa caba cu lo manda un barco similar, Dixmunde, pa e mesun area di Caribe.
Marina di Reino Uni a haci su anuncio diahuebs, cu nan lo manda un barco di guera pa Caribe cu un dobel proposito: apoya su teritorionan di ultramar durante temporada di horcan, pero, si ta necesario, tambe reforsa e esfuersonan di e pais contra coronavirus. Francia lo manda esun di dje pa e area di Antianan Frances, y Guyana Frances.
E anuncio di Reino Uni a bini un dia despues cu Merca a informa mobilisacion di su navenan aereo den e zona den cuadro di un operacion antinarcotica concentra den e vinculonan di e regimen Venezolano cu trafico di droga. E barco por funcionario como un hospital flotante y un barco di carga. E tin 130 marino abordo.
Pero tambe e ta arma cu cañonnan antiaereo, espacio y sistema pa warda te hasta seis helicopter. Segun Gobierno Britanico, mobilisacion di Argus tabata programa caba pa asisti den e temporada di horcan, pero awo su mision a cambia pa asistencia di pashentnan cu COVID-19.
Di parti di su esun di Francia, a bisa cu ta trata di un operacion militar sin precedente, cu e meta pa yuda servicionan publico y pueblo Frances den area di salud, logistica y proteccion.
Dixmunde ta un barco di asalto anfibio, fuertemente arma (por transporta te 35 helicopter di atake) y por participa den accionnan ofensivo, y ta posibel pa converti esaki den un barco hospital.
No tabata mucha cla si ta existi un tipo di coordinacion entre Merca, Reino Uni y Francia, aunke cu e tres paisnan ta aliado cerca den materia di defensa y den cuadro di Organisacion di Tratado di Atlantico Nort (OTAN).
