Ayera nochi a tuma luga e certamen di Top of the World Aruba Pageant 2020, cual ta un evento di e hende muhenan voluptous. E evento tabata online. Karena Maduro ta motor tras di Top of the world Aruba pageant 2020 y ta mira cu anualmente e interes ta creciendo.
El a splica cu a bay online, a probecha pasobra e evento ta tuma luga na Europa originalmente. E ora a opta pa haci e evento aki online p’e temporada di pandemia cu otro hende ta cas. E no tabata facil, pasobra tabatin cuater categoria, cual tabatin dos, tres, cuater y na final di anochi tabatin diesdos. E no tabata facil y pa otro aña esaki lo ta, door cu a organis’e un biaha.
Maduro a bisa cu e damanan a mira con e ta bay. E idea tras di esaki ta pa empodera cada hende muhe, pasobra tur tin nan mesun beyesa, no e curpa cu ta mira den revista. Tur hende muhe tin di siña aprecia locual nan mes ta sinti bon cu loke tin.
Sherène Winterdaal ta Mrs. Voluptous, pero pa por a participa na e evento aki a dur’e hopi pa dicidi. Na final el a dicidi di participa, pasobra esaki ta algo nobo p’e. Nunca el a hacie y principalmente esaki tabata algo online. Winterdaal a splica cu esaki a dun’e mas animo pa participa. E sentimento di esaki ta uno hopi dushi y el a siña hopi di e certamen aki.
El a expresa esnan cu ta plus size tin nan encanto y nan tambe ta bunita. E ta sinti cu su persona ta un bon ehempel di esey y cu si un hende tin un soño pa bay p’e.
Jennifer Lopes ta e ganado di categoria Miss Voluptous y esaki tabata completamente nobo p’e. E preparacion p’e competencia a bay bon, asina el a bisa. Esaki ta pa motibo desde e prome dia e tabatin un team cu a apoy’e. E ta conseha tur hende pa haci un reto nobo den nan bida, no ta importa e size y un hende no mester ta size regular pa competi den un certamen.
Daniela Rodriquez ta e ganado di Miss Top of the World Aruba pageant 2020 y e ta contento p’esaki. E ta gradici na su team y esnan cu a apoy’e. E no ta haya esaki algo dificil y ta sinti cu a crece como persona. Di a participa na e evento aki el a siña con pa enfoca mas riba su mes, di ta bunita y ta su mes.
E final di e evento tabatin hopi tencion, pero Angelique Stuger ta orguyoso di a haci tur cos y sin lubida e retonan. Stuger a bisa di a drenta cu un miedo den e certamen, pasobra esaki no ta solamente pa damanan 90-60-90, pero nan a demostra den e certamen aki cu bunitsa ta den tur size.