Awe marduga algo pasa di 12:00am a tuma luga un control rutinario di Polis riba un auto coriendo den verboden. Pa colmo, e auto a drenta den verboden den Steenweg na Playa, net patras di Warda di Polis. Den e auto tabatin un grupo di hende homber, pa cual a baha tur pa controla.
Ta trata aki di un auto marca Toyota, modelo Yaris, color blanco, numera A-74097 cu no tabata cumpliendo cu reglanan di trafico. Sinembargo, ora a controla, a resulta cu e auto tabatin tur su papelnan na ordo, e chauffeur tabatin rijbewijs y no tabata burachi tampoco. Ora a puntra pakico ta core den verboden, si no ta mira borchinan di trafico, a contesta cu nan ta capitan di yate y no conoce e reglanan di trafico eybanda mucho bon.
E cuater hombernan ta stranhero y a splica e defensornan di ley cu nan a kiboca den e borchinan local. Ta pa algun dia so nan ta na Aruba. Nan papelnan y permiso di estadia enberdad ta vigente y na ordo, pa cual a laga tur sigui nan caminda despues di e control.
