Registro di condolencia pa Padu Lampe na Arubahuis

Arubahuis a habri un registro di condolencia pa Juan Chabaya (Padu) Lampe. E gran musico, compositor y pianista Arubano a fayece 28 di november ultimo na edad di 99 aña.

Minister Plenipotenciario Suplente Eddy Paris a firma e registro di condolencia. Despues e personal di Arubahuis tambe a firma den e registro di condolencia.

E registro di condolencia lo ta habri pa publico durante di orannan di oficina na Arubahuis pa asina demonstra respet na nos Tata di Cultura Padu Lampe.

Esaki por entre 8.30am y 5.00pm.