Red Tag Sale Event 2018 na Stern Tanki Leendert bon bishita

Awe, diasabra, 15 di December, Stern Tanki Leendert tin su Red Tag Sale Event 2018, unda cu bo por spaar miles di florin riba su modelonan di Chevrolet y tambe Mazda cu  nan tin den nan showroom.

E campaña aki ta pa henter luna di December. Ya for di 9’or di mainta esnan cu ta busca un auto nobo pa habri e aña nobo tabata tey presente pa mira e modelonan cu tin disponibel.

Red Tag Sales Event na Stern GM!

Posted by 24ora on Saturday, December 15, 2018

Normalmente esaki mester dura te cu 1’or di merdia, pero a extende e ora te cu 3’or di atardi. Asina ta, ainda bo tin chens pa pasa mira bo auto preferi. Bo por pasa test drive nan tambe, pa asina bo sinti con bo por core sea den un Spark, Aveo of cualkier di e otro modelonan cu tin.

Pa financiamento, no ta problema. Banconan tey presente cu nan representante, pa asina nan dunabo un tiki mas informacion, prome cu bo dicidi di bay pa e auto di bo soño. Djis bin cu dos payslip si bo ta traha pa luna, of cuater si bo ta traha pa kincena, e papel di cinco florin di Censo, bo rijbewijs valido y tambe un carta di trabao y ya bo ta na caminda pa haya bo auto. Tin auto pa tur hende na Stern, asina ta, busca bo auto nobo, pa habri e aña nobo.