Durante su disertacion den Parlamento pa loke ta trata e mocion di desconfiansa cu fraccion di POR a entrega contra di minister Marisol Lopez-Tromp, Ricardo Croes, lider di fraccion di RED a comenta cu wega ta bon pero corupcion sigur cu no.
Durante di su discurso, el a pone algun documento ter inzagge, pa tur hende saca nan conclusion di e storia strañonan cu el a caba di tende prome cu el a yega na turno.
Corupcion no ta tuma luga den placa so, sino tambe den palabra tambe. Awo mester a caba cu esaki for once and for all.
Si bo ta un hende di palabra, cumpli cu bo palabra. Si bo no cumpli cu bo palabra, bo ta un gañado, bo ta un corupto, bo ta un traidor, un boycoteador, etc., segun Croes.
E prome fayo den e pais aki ta e hecho cu desde cu 2005 pa 2009, partido RED a haci presencia den parlamento di Aruba y dr. Armando Lampe a presenta un ley pa financiamento politico, te awe, ningun hende a percura. Mirando e indole di e reunion aki, ken tabata tin e motibo pa pasa e ley aki. Partido RED no. RED ta e unico partido desde cu el a haci su aparicion den arena politico, cu tur eleccion e ta entrega un relato di e placa cu el a ricibi for di unda cu el a ricibi.
E comision cu ta haci esaki tabata tin e curashi pa bisa cu ta partido RED. Esey tambe ta corupcion. Ora bo ta tene informacion atras.
Croes kier a clarifica cu e situacion aki ta masha straño pasobra tin videonan bunita, cu ora a instala Lopez-Tromp como minister, no por a kere cu cos por a cambia di e estado aki.
Con e reunion a wordo yama
Kier a yama e reunion aki mas lihe posibel pasobra Marisol Lopez-Tromp ta di biahe y esaki a wordo tira den publico como si fuera cu Croes a firma y vota, etc. y ta wordo lastra pa cierto miembronan di prensa na radio y papia disparate. Den e relatonan cu Croes tin, dia 24 di juli tabata reunion den ministerraad di cual miembronan di coalicion tabata presente. Ora cu e carta a sali pa bay gobernador y bay pa avisa, e carta den ningun momento a refleha e opinion di minister Lampe y Croes den e reunion aki.
A haya forsa di demostra por escrito cu corupcion por tuma luga riba papel tambe. Ora cu ta coy su palabranan cambia nan y bisa cu ta esey a bisa, pasobra a mira un firma y pasobra cu a mira firma di Rudy Lampe, a faya cu Ricardo Croes.
Un gobierno mester ta homogeno. E situacion ey, den e caso aki awor aki ta wordo presenta den conseho di minister como su fuera cu Marisol Lopez-Tromp no ta participa homogeno y como democracia ta reina, RED a haci’e bon cla, cu no lo tin problema di confiansa cu Marisol Lopez-Tromp.
RED no tin ningun reclamo riba Marisol Lopez-Tromp su trabao y esey cu tanto palabra, a expres’e dilanti di tur hende den e reunionnan ey y a bisa bon cla cu e motibo cu ta bay di acuerdo ta e estrictamente: 1. Pasobra RED ta di acuerdo cu Marisol Lopez-Tromp mester haya su oportunidad den parlamento. 2. Nos constitucion no conoce un minister sin cartera. Ta un decision ilegal. 3. A trece bon cla padilanti e momento ey, cu e decision aki, a crea como presidente, den e caso di Paul Croes y ta Andin Bikker mester para y bisa cu e cos ey no por, kende a bin presenta un opcion asina cu e biaha aki tabata na su conveniencia.
Ricardo Croes no ta parti di e payasada aki, el a splica den su disertacion.
