Red Fish cu menu amplio pa celebracion di himno y bandera

Red Fish tin un menu amplio di cuminda di lama. E fin di siman aki ta uno sumamente importante pa nan, specialmente pa nan cu ta custumbra sirbi platonan cu cosnan local. Na Red Fish lo tin special pa 18 di maart.

18 di Maart ta na Red Fish bo mester ta!

Posted by 24ora on Friday, March 15, 2019

E restaurant ta conoci pa su pisca fresco, unda ta sirbi pisca henter, na mochi. Por sirbi pisca cora hasa of riba grill. E special pa 18 di maart tin pan bati hasa cu keshi y croquet di calco. E funchi hasa cu keshi ta un di e appetizer mas popular y hopi local ta yega na Red Fish specialmente pa come mochi di pisca compaña cu funchi hasa.

Diasabra y diadomingo Red Fish ta habri henter dia desde 11:30am – 10:00pm, unda cu ta habri pa lunch y dinner. Normalmente dialuna nan ta cera, pero Red Fish lo ta habri pa celebra himno y bandera. Lo ta habri specialmente pa lunch di 11:30am – 5:00pm y tur hende por pasa libremente, bisti casual, cu t-shirt di 18 di maart. Red Fish tin un menu extenso, pa esunnan cu no ta come seafood tambe tin cumindanan di galiña, carni. Segun Carolina Merryweather-Raven, si bo ta busca un dushi mochi di pisca combina cu cabaron hasa, ta Red Fish bo mester ta dialuna. Tur hende por subi e facebook page di Red Fish y haya tur informacion, e specialnan di dia. Pa pedidonan pa bay cun’e of pa reservacion, e number di telefon ta 280-6666.

Comments

comments