“Riba ordo di Hues segun su veredicto di dia 28 di februari, 2018, ami Melvin A. Tromp ta declara lo siguiente. Riba 1 y 2 di februari, 2018 a ser publica riba e website 24ora.com y e corant digital AWEMainta un articulo bou di e titulo “Prins Pedofil kier un palacio nobo”.
E articulo aki ta contene expresionnan cu mi a haci publicamente, unda mi ta referi na diferente biaha na e actual Minister Plenipotenciario di Aruba na Hulanda como Prins Pedofil y di e forma aki acusando su persona mas cu un biaha di ta pedofil.
Pa medio di e comunicado aki mi ta declara cu no tin prueba cu ta verdad e acusacion serio aki, cual ta innecesariamente doloroso y ilegal contra e actual Minister Plenipotenciario di Aruba na Hulanda. Pesey pa medio di e comunicado aki mi ta rectifica y revoca e acusacion aki.”
