Record: The Movies @ Drive-In a habri den gran forma ayera

3209

Ayera nochi a tuma luga apertura di The Movies @ Drive-In. A nota filanan largo di auto for di tur banda, tanto di Pos Chikito, for di Ser’i Tijshi y for di Kibaima na Santa Cruz. Autonan yen a yega di trempan pa por disfruta den famia di e presentacion di Jeon.

Despues di añanan hopi hende a pidi pa Drive-In y awo MetaCorp a cumpli. A haci un inversion pa renoba y construi area nobo y den algun algun siman ta asina leu cu a habri atrobe.Eddie de Veer, director di MetaCorp, ta hopi satisfecho con e anochi a bay. Publico presente a comporta nan mes hopi bon. Tin caminda pa mehoracion, segun de Veer. A logra recauda fondo pa dos instancia, Fundacion pa nos Comunidad (FPNC) y Fundacion pa hende Muher den dificultad.

Record: The Movies @ Drive-In a habri den gran forma ayera

Record: The Movies @ Drive-In a habri den gran forma ayera. Click link pa mas https://24ora.news/3jRma5T

Posted by 24ora on Thursday, July 30, 2020

Eddie de Veer tabata contento di mira empleadonan di tur compania di MetaCorp, cu a bini hunto na Drive Inn pa brinda nan sosten y aporte pa haci e apertura uno exito. E artista Jeon tin un habilidad tremendo, asina Eddie de Veer a expresa. E carisma y habilidad di trece hunto ta algo hopi unico.

“Semper mi lo gradicie pa loke el a yuda nos den esaki,” el a bisa. No por lubida riba Krish Mahtani, no por lubida riba e trahadonan di Elite Productions y esunnan di MetaCorp cu a duna un man, a traha y na final yuda ruim op y guia e trafico. Na final lo sinta hunto pa mira unda mester haci mehoracion. E. De Veer Drive-In Theater a habri na Kibaima na aña 1969 cu e prome pelicula “The guns of Navarone”. Nan a cera na aña 2009 y e utimo pelicula tabata “Fast and the Furious # 4”. E Drive-In tin espacio pa staciona 380 auto.