Crusando ocean Atlantico den menos di cinco ora: esey ta posibel, e avionnan di British Airways a demostra esaki. E vuelo BA212 a bula for di Boston pa London den 4 ora y 47 minuut, un record! Normalmente un buelo ta dura aproximadamente un ora y mey mas.
Otro avion di e mesun aerolinea Britanico a bula ayeranochi for di New York pa London den 4 ora y 55 minuut. E vuelo aki tambe a kibra un record riba e ruta aki. Dos aña pasa un avion Noruego a tarda 5 ora y 13 minuut pa bula for di New York pa e capital di Inglatera.
E tempo di buelonan rapido tin di haber cu e “jetstream” of e coriente di biento: un biento hopi fuerte riba un haltura di 9 pa 10 kilometer, debi na e coriente fuerte aki, influencia dor di tormenta Ciara, segun Willemijn Hoebert, e meteorologo di NOS.
Un buelo di KLM tambe a crusa lama rapidamente anochi. Buelo 644 di New York pa Amsterdam a baha un ora y mey prome cu tempo awe mainta.
