Record: Awe tin casi 400 hende ta haci aña na Aruba

Riba e fecha di awe, tin un total di 392 ciudadano inscribi na Censo cu ta cumpli aña aki na Aruba. Na Hulanda e luna y dia cu 50.000 Hulandes ta celebra nan cumpleaños ta mañan, esta dia 25 di september. E data compila di fecha di nacemento na Merca p’e ultimo 20 aña, ta cu den september tin mas tanto ciudadano ta haci aña. Na Aruba e luna di februari tin menos hende cu a nace, specialmente dia 29 di februari.

Na Merca e fechanan cu mas hacimento di aña ta entre 9 y 20 di september. E fechanan cu ta menos ta dia 24 y 25 di december, 1 di januari y 7 di april. Segun ciencia, babynan naci den september ta esunnan mas exitoso. Na Universidad di Harvard, na Merca, a haci un investigacion y a resulta cu dia 16 di september ta e dia cu mundialmente mas hopi baby ta nace y ta pone cu tin mas hende ta celebra nan hacimento di aña.

Den teoria si bay conta e fecha di nacemento pa calcula ki dia a traha e baby, ta yega den e temporada di Pasco, tempo di fiesta, esta december. Stadistica ta mustra cu den un grupo di binti persona, 50% di posibilidad cu dos ta comparti mesun dia di cumpleaños; den un grupo di 70 persona esaki ta 99.9% cu ta comparti e mesun fecha.

Ta bon pa menciona cu, na Aruba, contrario cu na Merca y Hulanda, cu e luna di september no ta esun cu mas nacemento. Esey a cambia cu tempo. Awendia e ta october, sigui pa december, november y despues ta september. E luna cu menos hende ta nace ta luna di juni.

Record: Awe tin mas hende haciendo aña na Aruba….net 1 aña leu for di eleccion

Record: Awe tin mas hende haciendo aña na Aruba….net 1 aña leu for di eleccion. Click e link pa mas https://24ora.news/362WeQ1

Posted by 24ora on Thursday, September 24, 2020