AVP: Recomendacionan den mensahe nacional di Mike Eman pa autoridadnan

935

E Mensahe Nacional di ExPromer Minister Mike Eman a acapara un sintonia total ajera anochi. Hopi ta e comentarionan positivo tambe pa e mensahe inspirativo di ExPromer Minister Mike Eman pa e pueblo Arubano na e momento critico aki.

Sigur a resalta tambe e forma con ExPromer Minister Mike Eman tabata goberna den consulta y dialogo cu gremionan y scuchando conseho. E lista di esnan cu e a consulta y busca nan opinion den e dianan aki tabata imprecionante.

Den su mensahe Eman a haci tambe recomendacioinan na autoridadnan pa fortifica e bataya contro corona virus:

Discurso Nacional Mike Eman

Discurso Nacional Mike Eman

Posted by 24ora on Monday, March 30, 2020

ExPromer Minister a recomenda:

  • Ban crea un logica den toque de queda anochi y shelter in place. E ta ilogico cu den anochi e control y repression ta total riba movecion pafor di cas y den dia supermercadonan y otro estblecimentonan ta yena cu ciudadanonan cu por afecta otro. E restriccion den dia y colaboracion pa alcansa un mobilisacion minimal pafor den dia mester ta corespondiente na e meta di anochi. Algo mas cu “shelter in place” den dia ta necesario. Un “lockdown” temporal  den dia lo ta mucho mas efectivo pa para transmission di e virus y su logica lo reinforza e autoridad moral di nos peticion y obligacionan pa comunidad.
  • Ban haci e mascaranan di proteccion di cara obligatorio pa tur cu sali riba caya. Hasta un traha na cas, segun scientificonan, ta mihor cu nada. E mascara lo recorda nos tambe cada rato di nos vulnerabilidad frente e virus aki. E lo ta un pacto social comunitario grandi: Abo proteha e otro pa e otro proteha abo.
  • Nos instruccionan na esnan positivo of na riesgo den quarentena mester ta mas cla y compania cu mas sosten y asesoria;  
  • Nos mester ta sigur di e capacidad di Intensive Care (ICU) na hospital caminda patientnan grave mester worde trata cu machine pulmonario di respiracion. Ban sigura cu nos tin e capacidad pa locual por ta bin riba nos cu mas di 50 caso caba y algun awor ta cuminsa ta worde hospitalisa. Rond mundo e machinan di respiracion ta birando e factor determinante den scapa bida di esnan gravemente malo di e virus. Nos hospital tin un capacidad hopi limita di kambernan di ICU organisa riba ocupacion normal. Eman a relata un experiencia personal cu su propio mama den ICU- anja 2006 cu mester a worde transporta den anochi den condicion fragiel pa Corsou, pasobra ICU HOH tabata yen. Esey no mag di bai pasa awor cu patientnan grave di corona-virus Eman ta invatisa.