Siman pasa dia 21 di juli, e compania Mondelez Global LLC a anuncia un ‘product recall’ boluntario di e producto “Ritz Crackers” na Merca, incluyendo Puerto Rico y U.S. Virgin Islands. Esaki ta concerni cierto productonan cu fecha di vencemento specifico. Motibo di e ‘recall’ aki ta pa tuma precaucion pasobra cu un supplier di whey powder, un ingrediente di Ritz Crackers, a haci un ‘recall’ recientemente door di posibel presencia di Salmonella. Te awenno tabatin ningun keho raporta na Mondelez Global.
Compra N.V., como distribuidor local cu casi 70 aña di experiencia, tin su cliente, consumidor y nan famia semper na prome luga y ta sigura cu productonan Ritz Crackers distribui door di Compra N.V. no ta afecta. Pa cualkier informacion, semper por tuma contacto cu Compra N.V. na 582-4891.
