Reapertura di Sport Caribe pero manteniendo tradicion

508

Ayera nochi a celebra e reapertura di Sport Caribe, nan a muda. Tur hende tabata conoce nan den Emmastraat 5, unda cu nan tabata pa 20 aña. Awo nan ta den Emmastraat 3. Adres no a cambia mucho. Segun representante di Sport Caribe Jonathan Wever, hopi importante ta, cu riba e mesun tereno, riba un otro adres, Sportshop Antiana, cual tabata wordo yama 50 aña pasa, a habri riba e mesun tereno eynan. Por bisa cu ta bay bek unda cos a cuminsa y a cambia e estilo tambe un poco. Sport Caribe nobo, tabata uno cu sigur ta sigui e tradicion di e ultimo 50 añanan. Esey ta duna pueblo e miho calidad di e pañanan di Adidas y tambe Reebock cu tur e miho servicio cu tin.

Cambio grandi
Wever a splica cu nan a cuminsa eynan 50 aña pasa. Harry Jansen, e doño mes di e tempo eynan tabata un atleta. Den e punto di bista ey a logra bin cu un vision dilanti di un tienda cu por provee e atleta Arubiano cu e productonan, e material, e paña necesario pa nan tambe por eherce e deporte. Cu tempo esaki a sigui e tradicion. Ainda esey ta fuerte. Awendia nan ta na e luga unda cu nan a cuminsa 50 aña pasa y keto bay ta duna e cliente e miho servicio, y ta hopi up to date, hopi al dia cu tur e productonan di Adidas y Reebock. Nan ta percura cu cada luna, loke sali nobo riba mercado internacionalmente ta na Aruba. Ta purba di mantene un contacto hopi fuerte cu Adidas. Ta comunica hopi cu Adidas Panama cu ta percura pa full e area, centro y latino Americano y percura cu e mercancia nobo sali, Sport Caribe tin’e, pa asina pueblo di Aruba tambe gosa di nan.

Sport Caribe tey bek
Wever ta gradici pueblo pa su sosten y apoyo durante 50 aña caba cu Sport Caribe ta existi y ta invita nan cordialmente den e tienda nobo, situa den Emmastraat 5. Nan ta na cuminsamento di Caya grandi, schuin tegenover di Zara. Nan tey di dialuna pa diasabra di 10’or di mainta pa 7’or di anochi, dunando e miho servicio cu por. Nan tin tur e conocemento di e deportenan aki y tur e pañanan autentico y e mihonan di e liña di Adidas y tambe di dos piso cu Reebock.
Crossfit awendia ta un deporte cu a crece hopi na Aruba y Reebock ta carga crossfit. Nan tin tur paña di training pa crossfit y tambe paña di futboll. Si bo kier mustra bon cu style, yega Sport Caribe.