Mescos cu varios otro instancia, Reach Your Goald Foundation y un grupo selecta di alumnonan di SPO, a participa na ArubaDoet.
Nan a bay na Colony, caminda cu nan a baha na varios monumento, entre otro e mina di fosfaat, na e Cueba di Reservoir y tambe na e casnan di Colony.
Mientras cu nan ta explora e atraccionnan turistico aki, nan ta haci limpi.
Ta trata un total di 15 mucha hunto cu 7 lider, cu a haci e exploracion aki, di e manera aki siña un tiki mas di un di nos prome pilarnan di turismo, cual ta fosfaat. Nan a haya sa un tiki mas di e historia di Sero Colorado durante e tempo di guera, di e manera aki aprecia un tiki mas kico nos antepasadonan a pasa aden.
Finalmente nan a logra caba pa 6’or y mey di atardi, loke ta e limpiesa di e luganan menciona.
Por lo general, e tabata un dia exitoso. Gradicimento ta bay na e boluntarionan di ArubaDoet y tambe na e alumnonan di SPO Santa Cruz.