Re-apertura di Teleshop Santa Cruz cu un diseño nobo y moderno

SETAR como compania innovativo ta sigui inverti den su Teleshopnan pa brinda su
clientenan un experiencia nobo y moderno rond Aruba.

Despues di un periodo di trabou, SETAR ta orguyoso di por anuncia e re-apertura di su Teleshop na Santa Cruz completamente renoba cu un estilo nobo. E Teleshop na Santa Cruz ta e di tres cu un diseño cu ta refleha e naturalesa di nos isla y e simbolo di SETAR como nos
compania nacional di telecomunicacion.

Re-apertura di Teleshop Santa Cruz cu un diseño nobo y moderno

Re-apertura di Teleshop Santa Cruz cu un diseño nobo y moderno.

Posted by 24ora on Thursday, November 14, 2019

Clientenan cu bishita e Teleshop na Santa Cruz ta wordo ricibi pa un host(ess) na
entrada. Unabes eynan clientenan por kies pa paga nan recibo na e “machine di
Clarita” di un forma rapido of tuma asiento pa wordo atendi pa un di nos representantenan.
Den e Teleshop moderno tin un area pa wak e ultimo celular y acesorionan cu tin na benta, como tambe “media tables” pa recarga cualkier celular, tablet of laptop.

Ademas, tin un area di “touch and feel”, caminda cu clientenan por experiencia tecnologianan nobo cu tin rond mundo y un area caminda clientenan por wak television confortablemente mientras ta warda pa wordo atendi. Teleshop Santa Cruz ta habri su porta pa publico diahuebs 14 di november 2019. SETAR ta invita Aruba completo, en especial e pueblo di Santa Cruz y vecindario, pa pasa admira e Teleshop nobo cu ta habri di dialuna pa diasabra di 9.00 am te cu 5.30 pm.