Pa medio di un comunicado di prensa emiti pa Gobierno di Aruba mes, e hunta di Supervision di Refineria di Aruba (RdA), presidi pa Richard Eman, a aclarea cu RvC independientemente y riba propio iniciativa a scoge pa acerca abogado mr. Hendrik Croes pa asisti RvC den e negociacionnan cu Citgo Aruba Holding en vista cu mr. Hendrik Croes tin mas di 25 aña di experiencia cu e refineria despues di a representa Coastal, El Paso y Valero como nan abogado. En vista di e situacion delicado cu e futuro di e refineria ta aden, RvC a haña hopi importante pa busca e miho asistencia huridico posibel.
Ta bon pa aclarea tambe ci Richard Eman, no mucho tempo pasa, tambe tabata den Hunta di Supervision di BBA Bank, un compania hopi cerca di abogado Hendrik Croes, pues demostrando un relacion masha estrecho cu tin entre e dos amigonan aki.
Despues cu a bin hopi critica den comunidad, relaciona cu e mesun fenomeno di semper di “Friends & Family”, cu tanto Prome Minister Wever-Croes como tambe awo Richard Eman a sali pa defende nan mes y distancia di nombracionnan politico den e compania estatal. Premier Wever a insisti ayera cu e no tin nada di haber cu Maikito Croes, su primo, docente di gymnastiek na scol, cu awor ta maneha e departamento di Recursonan Humano na RdA y FMSA.
Loading...
Reload document 
Open in new tab Awe Richard Eman a sali pa bisa di otro banda cu ta nan mes a dicidi di pidi Hendrik Croes pa acesora nan como abogado, pasobra e tabata conoce e hustoria di Coastal bon. Obviamente e no por conoce mesun bon cu abogado Hans Sjiem Fat cu a negocia henter e contract den nomber di RdA. Pero asina mes a dun’e un trabou, aunke cu su mesun yiu ta politicamente responsabel pa RdA.
E asunto aki tin di haber cu e tema di integridad cu tanto Prome Minister ta bogando p’e. E ta inaceptabel y no etico pa Bo uza Bo mesun tata como abogado den un compania cu abo ta maneha y ta responsabel p’e!
