RCA ta topa Nacional den bataya pa lidera e tabla di posishon

s.v. R.C.A. cu diabierna ultimo a celebra 85 anja di existencia, kier gradeci tur persona cu a jega Misa y tambe a pasa club pa un rato ameno.

Na e ocashon aki a duna un gradecimiento y reconocimiento masha special na Danny Kelly, Icho Matos y Rafa Vanegas. Tambe na Tropical Bottling Company, Welcome Back Snack, Urataka Center, Pizza Hut, Romar Trading un danki pa boso contribushon pa cu e anochi aki. Pa locual tawata e bautiso di uniforms nan nobo di tur divishon, directiva ta gradeci tur nos sponsors, di Big Wheel Lottery, Powerade, Welcome Back Snack.

Interprint, Aruba Bank, Burger King, Guardian Group, Print Media, Seasalt, the Old Fisherman, Shell Helix, te Around Aruba Tours. Tambe direktiva ta invita e fanaticada completo pa ban jega stadion diaranson awo pa 8or den CDGPT pa apoya nos Soldatnan Tricolor cu lo enfrenta Nacional. RCA ta biniendo di dos victoria convincente, 4-0 vs La Fama y 8-0 vs Riverplate. Los Tricolores ta na di dos lugar cu 5 punto diferencia cu e lider Nacional.

Entrada ta Awg 7.00 y mucha te 12 anja solamente Awg 2,00. Fanaticonan Tricolor ta drenta stadion na e porta pega cu e Gym ya cu RCA ta home-team. Den half time lo rifa un jersey nobo 85 aniversario. Tambe por pasa club tur diamars y diahuebs atardi pa cumpra bo jersey cu e logo 85 anja serca Yazmira Tromp.