RCA ta duna Aruba completo e oportunidad di participa na e grandioso caminata 8K Run & Fun Walk. Ta introduci e sistema di relay, forma bo team di dos persona y inscribi na racingclubaruba.com tab RELAY.
Riba dia di caminata lo sali for di RCA un bus pa 5:30 en punto, esaki lo hiba e coredornan #2 pa Brandweer Tanki Flip. E mesun bus lo sali di Brandweer pa 6:30 am pa trece coredornan #1 bek RCA. Coredor #1 ta sali RCA y ta corre 4.5KM y coredor #2 ta sali Brandweer Tanki Flip y ta core 3.5KM. Inscripcion pa team ta Awg 50,00 of Awg 25,00 pa persona. Premiacion ta pa e team cu yega final prome. Diasabra 2 di februari ta busca shirt y bib na Alhambra di 10or mainta pa 4or atardi. Careda ta sali pa 6:00 di mainta en punto.
Pa locual ta e 8K individual tur cos keda mescos. Busca bo shirt y bib cu chip na Alhambra diasabra 2 di februari entre 10am y 4pm. Ruta ta Kamerling Onne, La Salle Straat, rotonde Piet, rotonde Ponton, Santa Helena, Pita Straat, EPB Hato, rotonde Aruba Bank, rotonde Tanki Leendert y yega bek RCA Arena. Lo tin premiacion pa seis categoria individual, pa damas y cabayero. Tambe ta recorda tur mayor pa inscribi bo yui pa Kids Run mas lihe posibel via e-mail [email protected], inscripcion ta sera dialuna 28 di januari. Categorianan ta 5 anja y menos, 6 y 7 anja, 8 y 9 anja, 10 y 11 anja, 12 y 13 anja.
