RCA ta gana Caravel 3 – 0 y ta bira campeon di Copa Don Elias Mansur 2019

E tricolornan di Solito, RCA a gana nan prome trofeo di e temporada nobo cu e CDEM 2019. Den e gran final RCA ta derota Caravel 3 – 0 cu dos gol anota pa Jeanpierre Fingal despues cu Andrew Martinez ta habri marcador.

Mester bisa cu RCA a tuma e inicitiva den e prome minuutnan di wega hungando bon toke. Caravel di otro banda e purba cu e balanan largo usando su puntanan y mei mei cu Loduwika y Andrea. E prome bon tiro riba gol di Caravel a bini na di 17 minuut pero esaki a pasa over di gol. Na di 24 minuut RCA ta anota e 1 – 0 riba un tremendo combinacion na banda drechi cu Glenbert, Jeanpierre y ultimo Andrew Martinez cu ta anota e gol di bay ariba.

Caravel tabata tin algun momento bon cu algun tiro pero sin mucho etiketa di gol. E delanteronan Andrea y Loduwika no tabata ti e facil cu e linea di defensa comanda pa Christiaan y Chito. Di otro banda RCA drenta hopi den e area penal di Caravel pero no por a finalisa su balanan den un gol cu Jeff Werleman basta atento riba e hugadanan.

Den e di dos tempo, RCA a sali brabo y hunga full riba e atake unda e crea varios oportunidad pero portero Jeff Werleman a luci mientras otronan a sali desvia. Di otro banda Caravel a haya un chens morto unda e alero Parra ta faya di serca, su bala ta pasa halto over di gol. Na di 57 minuut, capitan di Caravel y homber clave den defensa Weimar Galeano ta haya carchi cora riba un infraccion contra di defensa Croes. Esakia complica tur cos pa Caravel. Despues di e carchi di Galeano, RCA a probecha bon unda a ataka constantemente pero e defensa di Caravel y sigur portero Werleman tabata bon planta y anticipa e hugadanan na ora. Mester bisa cu e wega a bira poco bruto unda hungadornan dado momento a lubida cu ta futbol nan ta hungando cual a haci e wega uno para.
Na di 67 minuut, RCA ta anota e di 2 – 0 ora cu Jeanpierre Fingal ta anota un gol tras di un bon cruse. Un rato despues tabata un bes mas Jeanpierre Fingal kende ta haci e wega 3 – 0 tras di un bon cruse for di banda robez.

Sr. Richard Dijkhoff Presidente A.V.B. a entrega trofeo Campeon na Walter Bennett di R.C.A. Presidente R.C.A. Sr. Ditto Acosta a entrega trofeo Sub-Campeonna capitan di Caravel.

Premio Individual:
Goalgether Ronald Gomez
King of Asst Ronaldo Brujes Valderama
Best Keeper Joshua Farro
Miho Defensa Chito vd Biezen
MVP Jeanpierre Fingal

Directiva di RCA kier a gradici nan patrosinadornan:

URATAKA CENTER
PIZZA HUT
SEASALT
THE OLD FISHERMAN
REDFISH

15 Man of the Match di 15 wega:
Joshua Viotty (Brasil jrs), Devis Oliveros (Nacional), Weimar Galeano (Caravel), Sylvester Schwengle (La Fama), Francis van der Linden (Britannia), Sebastian Montoya (Dakota), Gilbert Bautista (La Fama), Kenrick Dania (Caravel), Owen van der Wijde (Britannia), Antonio Lopes (Bubali), Ronald Gomez (RCA), Erik Santos(RCA) Eric Abdul(RCA), Glenbert Croes (RCA).
E torneo tawata dedica na miembro di honor di RCA Sr. Edwin Dirksz, Sr. Serge Mansur y Famia. Tambe RCA na ocashon 85 aniversario a duna un gradecimiento na Sr. Lito Kelly cu mas di 15 anja a dedica volintariamente na entrena divishonnan U5 te cu U20. Tambe na e duo fantastico Eric Henriquez y Juan Sevinger, dos voluntario cu pa 8 anja a bati schouders pa hiba team Damas RCA na hopi exito.
Diadomingo atardi e programa a start cu un bunita encuentro entre ROMA y INTER 45+ cu ta termina empata 2-2 y trofeo ta bai pa Angel vd Biezen cu a hunga den ambos ekipo. Despues a continua cu un partidaso unda Damas RCA ta vence selecshon di Aruba 2-1. Directiva RCA ta gradeci tur ekipo cu a participa pa hasi e torneo exitoso y na tur e fanaticada cu a jega stadion pa anima den bon atmospfera y tambe contribui na e fundraising aki di RCA.