RCA ta den Final y lo bay tribune pariba sin dak

E tricolornan di Solito ta bek den Final di Aruba su play-off Divicion Honor. Despues di un bon campeonato regular, RCA a clasifica convincentemente pa play-off. Den e prome buelta play-off a derota Nacional 3-0, empata cu Dakota y gana Estrella 2-1.
Segunda buelta ta sali perde cu Nacional pero ta vence Dakota 3-2 y derota Estrella 6-1. Bon pa 13 punto y 14 gol na favor den 6 wega. Proximo ta e Gran Final di Aruba su futbol RCA vs Nacional diaranson awo pa 8or di anochi den Centro Deportivo Guillermo Prospero Trinidad.
E di dos partido ta diasabra mesun dia cu Final Sub-15 RCA vs Dakota. E Fanaticada Tricolor ta cordialmente invita pa e tribune pariba esun sin dak. Ambiente cu DJ SPLASH, MC Ofo, powered by HP. Yega uno yega tur pa hunto nos apoya nos Soldatnan rumbo pe titulo maximo. Dialuna, diamars y diahuebs anochi na RCA, sra Yazmira lo tey pa bende tickets di entrada, jersey, cap, banderines y pega bo sticker na auto.

Comments

comments

ADV