RCA cu Staff Tecnico nobo pa 2da buelta di Campeonato

Despues cu RCA a keda elimina di Copa Betico den Semi final, entrenador Alejandro Avila a tuma su retiro. Di biaha directiva a aserca e conocido ex coach tricolor Omar Tromp.

Omar cu a logra dos final cu RCA y un campeon como D.T, mas titulonan di Campeon Copa Don Elias Mansur, final Copa Betico y Campeon como Coach Junioren. Tambe a gana dos Campeon como hungador tricolor. Omar Tromp a accepta e reto y forma su staff tecnico cu Raymondt Pimienta cu kende hunto nan a carga e medio campo di RCA pa basta anja. Tambe den e staff a bini e incansabel Glen Sambo kende tambe tin un trayectoria super exitoso como hungador y Head Coach RCA cu varios titulo campeonil.

Hunto cu Omar, Raymondt, Glen lo tey Felix Malmaceda keepers trainer di gran trayectoria tricolor, Danny Kelly cu ta otro incasabel voluntario y Icho Matos e masahista y motivador Campeon di RCA. Tur clase di exito pa e 2da buelta den e anja importante pa RCA su 85 aniversario. Danki special ta bai na Alejandro Avila, Milvienne Henriquez, Sjurendi Granviel pa nan gran esfuerso y sacrificio pa 6 luna largo. Prome wega segunda buelta ta diasabra awor 8:30 pm den CDGPT RCA vs La Fama.