Den cuadro di nan celebracion di 85 aña di existencia, SV RCA ayeranochi a hunga nan ultimo wega di final contra Deportivo Nacional y a sali victorioso. Cu un score di 1-0, e ekipo di Solito a bay cas cu e trofeo atrobe. Fanaticonan a celebra den grandi y publico a goza di un futbol di nivel y di hopi velocidad riba veld.
Den e di dos tempo di wega RCA a anota e unico gol di anochi. Ronald Gomes, capitan di RCA, a ricibi un pase di M. Gonzales y ta anota e gol. Diferente hungado a ricibi caarchi geel y hasta cora pa diferente infraccion cometi.
Na di 4 luga a keda SV Estrella, na di 3 luga SV Dakota y tambe a ricibi e trofeo di campeonato, sub campeon ta Deportivo Nacional y campeon ta RCA. E goal getter un biaha mas a keda den persona di Devis Oliveros, mientras cu e MVP di wega tabata Steven Rua.
