Royal Bank of CAnada (RY riba TSX y NYSE) a anuncia diaranson cu el a firma e acuerdonan definitivo pa bente tur e operacionnan bancario den Caribe Oriental na un consorcio di banco indigena dentro di e region.
E transaccion ta mara na e aprobacion regulatorio y otro condicionnan di ciere, ta spera di finalisa den e proximo lunanan.
“Consistente cu nos strategia di ta un lider competitivo riba e mercadonan cu nos ta opera, RBC semper ta evaluando oportunidadnan pa nos negoshinan. Mas na inicio di e aña akim un consorcio di banconan indigeno a acerca nos cu nan propuesta pa adkiri tur e operacionnan di RBC den Caribe Oriental,” Rob Johnston, Director di RBC Caribbean Banking, a bisa.
“Despues di un revision di nos operacion y strategianan, nos a determina cu e oportunidad aki tabata un bon decision pa e futuro exito a largo plazo di RBC Caribbean y tambe, cu e ta alinea cu nos vision di yuda nos clientenan mehora y comunidadnan prospera,” el a bisa.
E benta ta abarca e sucursalnan di Royal Bank of Canada na Antigua, Dominica, Montserrat, St. Lucia y St. Kitts and Nevis, como tambe e negoshinan regional operando bao di RBC Royal Bank Holdings (EC) Limited na Nevis, Granada y St. Vincent y Grenadines.
Colectivamente, e operacionnan aki ta referi como “RBC Eastern Caribbean.” E compra di e consorcio di cinco entidad financiero ta inclui: 1st National Bank of St. Lucia, Antigua Commercial Bank Ltd., National Bank of Dominica Ltd., the Bank of Montserrat y Bank of Nevis Ltd.
Johnathan Johannes, Managing Director, 1st National Bank of St. Lucia, a comparti, “Nos a forma e consorcio pa expresa e proposito di expande e escala di entidadnan financiero di propiedad local den e Eastern Caribbean Currency Union.
E transaccion aki ta duna nos e tamaño y escala pa tin un rol mas activo den e desaroyo di nos respectivo paisnan. Nos ta mira e transaccion aki como e prome paso pa logra sinergia, eficiencia y oportunidadnan di comercialisacion entre e teritorionan ainda mas grandi.”
“RBC a opera den Caribe pa mas di 100 aña – mas largo cu nos tabata tey den varios parti di Canada. Nos ta keda comprometi na e futuro di Caribe y na un vision di innovacion digital cu ta transcende servicionan tradicional,” Johnson a bisa.
“E transaccion aki lo permiti nos pa realinea y enfoca nos strategia riba mercadonan Caribense caminda nos por logra e vision aki exitosamente.”
we can achieve that vision most successfully.”
“Autodeterminacion ta e nivel mas halto di empoderamento – y e banconan indigeno ta adkiri e negoshi aki cu lo permiti un aumento di oportunidad pa influencia e desaroyo di nan comunidadnan,” Johnston a bisa.
Johannes a agrega, “Y papiando den nomber di e banconan local, nos ta acepta y anticipa cu entusiasmo e oportunidad aki.”
E consorcio a wordo asesora pa PwC (JA), dirigi pa Wilfred Baghaloo, kende a agrega “e transaccion aki ta demostra cu e paisnan Caribense y e negoshinan tin e capacidad y e capabilidad pa bin hunto ora cu e circumstancianan ta corecto.” E terminonan financiero di e transaccion no a wordo divulga. RBC lo manda su resultadonan di e prome cuartal di 2020 y lo organisa un conferencia telefonico riba e ganashinan dia 21 di februari di 2020.
