Entrante prome di januari, dump di Parkietenbos no ta habri mas pa benta sushi afo, conforme e plan di maneho di Minister Ursell Arends.
Pero ainda no tin claridad riba e maneho aki; esaki ta motibo tambe pakico cu Fraccion di RAIZ kier un reunion cu e minister en cuestion. Como parlamentario, ta na su luga pa yama e minister aden, tanto pa Aruparking como pa Parkietenbos, pa motibo di e incertidumbre. Raymond Kamperveen, Vice-Presidente di Parlamento a cumisna na bisa cu kisas e informacion no ta yegando y Minister Arends lo mester bin c’un campaña agresivo pa splica e comunidad di con e ta hinca den otro.
Tambe pa loke ta Aruparking, ya cu aña nobo a habri y no a tin claridad. Nan tin preguntanan pa e minister y ta en espera pa un reunion ya cu nan tambe tin nan preguntanan p’e minister.
