“E coronacrisis ta golpiando Aruba hopi duro. Ta hopi probabel cu lo causa un caida di e crecemento economico di 27% na mas di 31%. E reformanan socioeconomico ta imperativo. E preocupacionnan y incertidumbre riba pensioen, e mercado laboral, impuesto, salubridad y finansas publico ta grandi. Hulanda y Aruba mester yega na un acuerdo riba e apoyo financiero dentro di e contexto di reino”. Esaki ta locual profesor Raymond Gradus, presidente di entre otro, e Colegio di Supervision Financiero di Aruba, a bisa diamars, dia 1 di september, 2020, den e Genootschap Nederland-Aruba.
Durante su conferencia digital, a asisti mas di setenta participante interesa for di Hulanda y Aruba, incluyendo prome minister Evelyn Wever-Croes, minister plenipotenciario di Aruba, Guillfred Besaril, e presidente di comision Union Europeo pa Aruba, Eddy Paris y miembro di Parlamento Antje Diertens (D66).
Loading…
Reload document 
Open in new tab Hopi presion
E conferencia riba finansas publico di Aruba y e supervision di esaki di parti di CAft tabata domina pa un gran presion economico, social y politico riba e actual combersacionnan entre Aruba y Hulanda riba e condicionnan pa un amplio pakete di apoyo y e consenso di e Ley di Entidadnan di Reforma di Caribe. Profesor Gradus (hoogleraar bestuur en economie na Vrije Universiteit na Amsterdam), a bisa cu e lo warda pa e negociacionnan riba esaki, pero a enfatisa su preocupacion profundo pa e economia di Aruba.
Condicionnan di apoyo
Su preocupacion ta comparti pa Camara di Comercio di Aruba, AHATA y ATIA. Nan ta insisti pa Gobierno di Aruba acepta e apoyo y e condicionnan Hulandes, di modo cu Aruba tin oportunidad den e proximo seis aña di logra un economia mas robusto y resistente, como tambe pone ordo den nos maneho financiero, legal y educativo. Si no yega na un acuerdo cu Hulanda, lo conduci na bancarota y desempleo na gran escala. E clima di negoshi y e posicion di Aruba riba mercado internacional di capital lo deteriora drasticamente.
Debe di Gobierno y embehecimento
Profesor Gradus ta bisa cu e debe publico di Aruba ta considerabel. “Cada Arubiano ta nace cu un debe di 40 mil florin riba nan cabes. E pagonan di interes ta insostenibel. Ta urgente pa traha y mantene un surplus presupuestario di 1% den e proximo añanan.” Tambe e ta preocupa pa e embehecimento rapido di e poblacion y e costonan asocia cu AOV. e ta boga pa hisa e edad di pensioen pa 67 aña. “E reformanan aki ta necesario pa mantene servicionan publico, manera atencion medico y educacion pa generacionnan den futuro.”
Migracion
Gradus ta conseha Aruba pa aplica un maneho di aumenta productividad laboral dirigi riba migracion. “Un migracion di 28 mil persona ta nifica un crecemento economico di 2,4 porciento. Ademas, e ta pidi pa un reforma fiscal mediante aplicacion di un ampliacion di e base imponi y aplicacion di impuestonan relativamente mas indirecto cu directo”. E presidente di CAft a señala cu supervision di e Hunta a hiba na mas atencion na e maneho financiero y na un mayor debate politico riba finansas publico.
“Esaki ta importante. E costonan di personal ta sigui ta mas halto cu na otro paisnan di Caribe. E gastonan aki mester baha nominalmente entrante 2020”, asina e presidente di CAft a termina bisando.
