Despues di un procedura di seleccion amplio, guia pa Servicio General di Administracion, Secretario di Estado di Asunto Interno y Relacion den Reino, Raymond Knops, a nombra Sr. Ray Thuis (61 aña) Secretario di Cft entrante dia 1e di october proximo. Tanto Presidente como e miembronan di e Colegionan ta masha contento cu e nombramento aki.
Ray Thuis ta un hurista cu amplio experiencia financiero y ehecutivo. Denter di Ministerio di Defensa Hulandes e tabata, entre otro, Hefe di Departamento di Asunto Huridico y Director di Departamento di Asunto Financiero-Economico. Den OTAN e tabata controlado financiero y responsabel di e proyectonan internacional grandi.
Na 2007 y 2008 Ray Thuis tabata precursor y posteriormente e prome secretario di e apenas recien funda Cft. E ta anhela masha pa bolbe pa e islanan hunto cu su casa y pa por dedica su mes un biaha mas, hunto cu tur esnan envolvi, na desaroyo di finansa publico sostenibel.
Cu drentamento di Señor Thuis den funcion, e cargo di Secretario di Cft ta keda definitivamente cubri atrobe.
