Informador Arie Swaen su trabao di informacion a caba. El a haya opdracht pa informa cua ta e partidonan cu lo forma un Gobierno, mirando e resultado di e eleccion. A papia cu tur partido. A papia cu e tres partidonan cu ta wordo papia cu ta bay forma gobierno. A papia tambe cu otro instancianan cu nan a haya importante pa haya informacion. A traha un verlag. E verslag aki a wordo entrega na Gobernador. Gobernador ta e persona cu tin cu tuma e decision, si e ta considera e verslag cu a dun’e como un tussenverslag of un eindverslag. Esey no por bisa kico e ta. A entrega e verslag. E ta bay check’e hunto cu su hendenan cu ta dun’e advies y lo bay laga sa kico ta bay pasa. Na e momento aki, e verslag ta cerca Gobernador den “beraad”. E tin cu bay tuma e decision ainda riba dje. E lo laga sa ta kico ta bay pasa.
Papel di informador
Mr. Swaen a splica cu na e momento aki no por bisa cu nan tarea a caba. Tur cos ta depende kico Gobernador lo dicidi. E rapport a wordo entrega cu basta informacion aden y den cinco minuut e no por tuma decision. E ta bay studi’e awo, hunto cu su conseheronan y e lo bay laga sa si e ta considera esey un tussenrrapport un eindrapport. Si e bisa cu e ta consider’e cu ta un tussenrapport, e trabao di sigui informa lo sigui. E ora e lo tin cu informa pakico ta un tussenrapport y bisa kico falta, cu no ta suficiente y bisa cu e ta haya cu e rapport bon y e ta considera esaki como un eindrapport. Si e considera esaki como un eindrapport y laga sa, e ora eynan e tarea como informador di mr. Swaen y secretaria Hellen vadn der Wal, a caba. E ora ta keda na Gobernador dicidi ken e lo bay nombra como formador.
Ta asina cu ta den su man e ta, ken ta bay bira formador. Swaen a splica cu ta gobernador ta dicidi kende ta bira formador. Si Gobernador dicidi cu mr. Swaen bira formador, e lo haya sa esey despues.
Mientras cu e rapport ta cerca Gobernador, e mester tuma e decision. E tin tur informacion. Swaen no kier bay tuma su trabao over pa duna riba e contenido di e rapport. E contido di e rapport ta cerca Gobernador y e tin cu tuma decision riba esey. Swaen kier lag’e trankil pa e gobernador tuma e decision cual ta mas miho pa pais Aruba.
