Rapper a subi stage menasa Rocco Franken

48

Diaranson anochi un rapper a subi stage menasa Rocco Franken, cantante di Bularia durante su presentacion den Festival di Tumba na Corsou.

Na Corsou a presenta un situacion caminda cu durante presentacion di Buleria, a surgi un problema caminda cu un rapper conoci na Corsou, cu lo ta forma parti tambe di un gang, a subi escenario y na momento cu Rocco Franken lo tabata canta un cancion, no a gusta. Den e caso aki, a subi escenario a bay riba Rocco pa para e cantica cu expresionnan menasante, na e momento ey.

Rapper a subi stage menasa Rocco Franken

Rapper a subi stage menasa Rocco Franken

Posted by 24ora on Thursday, February 7, 2019

Jairo Evertsz ta un di e representantenan di Buleria y a conta cu manera tin entendi, cu ta un persona abao, na prome instante a haya un cup, na momento cu Rocco tabata cantando e cancion “Bati P’ami”, ta un piesa cu a graba aña pasa. Den e piesa aki tabata cantando e conocido rapper Jaido. Un cup a bin riba Rocco na e momentonan ey. Tur hende a keda trankil y a sigui toca e piesa di “Bati Pami”. Ora cu e mesun persona ey, cu a bin di compronde cu a tira e cup, a logra pasa door di tur e siguridad y subi y bisa Rocco, kende tabata cantando pa para e piesa, sino cos por bay fo’i man.

Evertsz a splica cu no sa kico por a bay for di man. Si pensa algun biaha bon, un bringamento of algo asina ey. Den e caso aki, Rocco concientemente a hala atras y pa laga security  haci nan trabao.

Ora cu nan a caba, a escolt’e bay atras. Te ainda no sa ken e ta y sak’e for di Curacao Festival Center. 

Den e caso aki tin cu pensa cu no ta e tumba di Rocco ta esun cu a causa esaki. Tabata e parti di animacion y ta momento cu a toca e cancion “Bati p’ami”, ta ora cu e incidente a tuma luga. No ta e tumba cu Rocco a canta mes.

Medionan di comunicacion aki na Aruba tambe a tuma nota di e incidente aki y tabata basta preocupa di loke a sosode na Corsou.

Nicole Martina, roadmanager di Buleria,a comenta cu tur hende ta ok despues di e incidente.

Jaido cu Rocco den pasado a yega di colabora cu otro

E ta conta durante un entrevista cu na e momento cu a presenta e cuater participantenan durante di e festival di Tumba na Corsou, como cu nan tabata e ultimo banda, tin cu toca algun cantica asina wardando e resultado di Hurado, unda cu Rocco a presenta su tumba ganador di Aruba, cual a cay den bon tera na Corsou tambe. 

Martina ta conta cu hopi biaha bo tahaya hendenan ta purba di subi stage, baila directo, etc. Pero a yega un momento cu a ripara cu na momento cu e persona en cuestion a subi escenario no tabata tin e intencion eynan. Tin cu bisa si cu e demas miembronan di e banda a bay proteha Rocco for di cualkier cos cu lo por a pasa. Security a bin y baha e persona y Buleria por a sigui cu su presentacion. Tur cos a sigui  normal despues. A cera e anochi y e publico mes a apoya Buleria. No tabata tin problema mas despues di esey.

Medionan di comunicacion na Aruba sigur tabata tin su preocupacionnan pa loke ta e incidente aki y tin a menciona hasta cu por ta trata aki di un problema di gang, mirando cu e artista Jaido di Corsou lo ta aparentemente meti den uno y lo tin “beef” cu un ke otro gang na Corsou, cu a haci cu e incidente aki a tuma luga.

Identidad, manera cu Jairo Evertsz a menciona, no ta conoci di e persona, pero si, por bisa cu nan lo tin cu bay ta hopi atento pa loke ta trata e resto di dianan cu lo bay bin.

Jairo Evertsz: Rocco a laga siguridad haci nan trabou

Jairo Evertsz: Rocco a laga siguridad haci nan trabou

Posted by 24ora on Thursday, February 7, 2019