Despues di a dediká hopi energia, tempu i esfuerso den diferente área musikal, e pianista Randal Corsen ta haña ku ta tempu pa konsentrá un ratu atrobe riba un konsierto di jazz. Kon ku bai bin, jazz ta algu ku e i su kompañeronan Eric Calmes (baho) i Pernel Saturnino (drùms) tin un sintimentu partikular p’e.
E konsierto ‘Time for jazz’ ta programá pa tuma lugá djasabra dia 24 di mart awor den e sala La Belle Alliance di Avila Beach Hotel den Pèn. Karchinan ta
kosta 45 florin pa persona i kuminsando djaluna awor nan ta optenibel na Mensing’s Caminada i frònt dèsk di Avila Beach Hotel. Despues lo bini ku mas detaye di e programa di e anochi di jazz.
