Por a tuma nota cu Rampenbureau lo tin un papel importante den e proceso di exploracion di gas den nos awanan teritorial. Rino Hermans, hefe di e departamento ta conta cu Repsol lo cuminsa cu su proefboringnan panort di Aruba y Rampenbureau como coordinadornan di oilspill na Aruba, tabata tin contacto cu e contratistanan di Repsol, cu ta encarga si en caso cu tin un derame di petroleo y eynan ta intercambiando di plan, con prepara nan ta y kico Aruba tin y kico Aruba mester, si un incidente sosode durante perforacion cu tin un derame den nan area di exploracion.
Kico mester ta na su luga
14 luna caba Rampenbureau ta bezig cu e compania cu ta encarga pa haci e analisis di incidente pa Repsol. E ultimo tres simannan aki ta intercambiando masha hopi email, mirando cu Aruba tin su plan di oilspill revisa. Nan ta na caminda pa bin Aruba pa sinta na Rampenbureau con ta intercambia, con ta prepara, kico Rampenbureau tin, kico nan mester y kico e contratista tin y con prepara nan ta pa Rampenbureau por notifica e stakeholdernan local over di e oilspill plan cu nan tin pa e proefboring cu lo tuma luga.
Efecto
Tur cos ta depende di biento y stroming kico e ta bay haci cu nos. Pero ta responsabilidad di e contratista cu esun cu sushi, ta esun cu tin cu haci limpi. Aruba tin cu haci’e como un isla turistico, kico tin in place, pero nan ta prepara pa cualkier derame pa nan maneha e situacion.
Cooperacion
Segun Hermans, e intercambio di informacion, nan ta habri cu otro. Den e situacion aki mester sa kico nan por y nan sa tambe kico ta capacidad na Aruba pa por maneha e situacion aki.
Revision
A update e plan pa oilspill pasobra e oilspill plan localmente ta di 1993. A revis’e na 2015, caminda cu a cuminsa cu tur stakeholder pa revisa e plan di 1993. Esey ta den su ultimo fase. E ta bolbe bay bek pa e stakeholdernan si nan ta acepta tur e cambionan, cu tur e posicionnan cu tin hinca eyden y ken ta encarga. Djeynan ta pase pa conseho di minister pa aprobacion pa asina tin un plan di oilspill actualisa pa Aruba.
Conseho di exterior
Tin un agencia regional cu ta sinta na Corsou y den consulta cu nan, ta update e plannan. Segun nan recomendacionnan y segun capacidad na Aruba, pero e experticio ta bin riba nivel mundial. Tur hende ta bay na rampattack na Corsou y ta ricibi den e tayernan ta adapta na e situacion local.
E situacion na Trinidad a duna e risico kico Aruba tin den su 26 riesgonan na Aruba. El a dun’e un acogida cu tur hende a keda pendiente pa oilspill. Pero pa Rampenbureau, ta un di e riesgonan cu nan ta monitor regularmente. Panort di Aruba tin entre Jamaica y Trinidad, cu barconan ta uza e canal ey. Nos a conoce e famoso labamento di e tankinan cu tabata afecta no costanan. Oilspill semper a monitori’e y e ta sinta na Rampenbureau cu ta un di e incidentenan cu nan ta e leading agent den esaki.
