Diasabra marduga presencia di Polis a ser pidi na Palm Beach. A drenta informacion cu tin un homber bou influencia causando destruccion.
Segun Polis ta un problema di pareha caminda e homber a causa destruccion. Na yegada di Polis a topa cu Ralph Maduro conocido locutor cu mas biaha sa ta den noticia. Polis mes a purba sconde e noticia un poco pa evita poco publicidad. Prome cu a detene mester a hasi algun yamada.
Na e apartamento luhoso aki tin un amiga di Ralph Maduro ta biba. Esaki no ta prome biaha cu Ralph Maduro ta yega bou influencia na e apartamento di e amiga y causa problema. Den pasado el a yega di destrui su auto caba na un otro compleho di apartamento y kibra e porta pasobra e amiga no kier a lage drenta. E biaha aki atrobe el a causa daño y pasobra a causa destruccion e polisnan a detene.
A bay cune warda geboei. A presente dilanti subfiscal y el a keda sera pendiente investigacion. No ta conoci si el a maltrata e amiga. E amiga ta naci na Colombia. Biaha pasa ora el a causa destruccion na auto y porta di apartamento, e dama mester a sconde y yama Polis cu miedo pa no ser agredi. E biaha aki si a detene Ralph Maduro.
