Radio Bo Guia a regala 250 T-shirt pa Dia di Betico

Gerencia di Radio Bo Guia 88.9 FM ta contento di por a regala 250 mucha un T-shirt pa bisti na scol awe pa celebra Dia di Betico. Cu ayudo di sponsor kier preserva y promove e historia di Libertador Betico Croes dor di siña y stimula nos 3 y 4 generacion cu mester continua cu preserva e memoria di Betico Croes, kende a lucha pa awe Aruba por tin su propio identidad, nos mesun bandera, nos mesun himno, nos mesun moneda, nos mesun idioma, etc.

 

Eerste klasnan di e scolnan cu a ricibi T-shirt ta:

  • Maria School na Sta Cruz
  • Colegio Cristo Rey na Brazil
  • Caiquetio school na Cura Cabai
  • Paulus School na San Nicolaas
  • Colegio Sagrado Curazon na Savaneta
  • Colegio Ora Ubao aki na Tanki Leendert

 

Den nomber di gerencia di e radio, Mimi y Fanchi Rosell, ta yama pueblo di Aruba masha danki pa respalda nan cumprando T-Shirt pa asina hunto cu otronan cu ta tene nan man, pa por regala y celebra DIA DI BETICO.