Ya ta 20 aña caba cu Raddraaiers Gymnastics ta instrui muchanan den gymnastics y pa celebra e hecho aki nan lo bay tin un BBQ Event y tambe un show den Centro Deportivo Playa dia 7 di december proximo.

Sujean Pastor, encarga cu e evento, a splica cu parti mainta pa merdia, nan lo bay tin un BBQ, cuminsando for di 11’or di mainta pa 2’or di merdia, na balor di 15 florin. Por busca e BBQ na Centro Deportivo Playa (Gym di Colegio Arubano). Pa haya sa mas informacion por subi nan pagina di Raddraaiers, si kier un of mas di e dushi BBQ, por yama tambe na 5645464.

Raddraaiers Gymnastics celebrando su di 20 aniversario cu un grandioso evento

Raddraaiers Gymnastics celebrando su di 20 aniversario cu un grandioso evento. Click link pa mas https://24ora.tv/2DIHwhS

Posted by 24ora on Tuesday, December 3, 2019

Parti atardi lo sigui un show di e muchanan. Ta trata aki di un grupo 170 mucha cu tin den scol, parti den diferente nivel y edad.

Riba dia di e evento, portanan lo habri pa 6’or di atardi y lo cobra un entrada di 5 florin. Pa 6’or y mey e show lo start. Lo ta un show di tur loke e muchanan ta siña y ta haci na scol mes. E show lo dura te cu 8’or y mey di anochi. Despues lo sigui un Dance Party pa e muchanan.

Pa e mayornan cu ta interesa kico e muchanan ta siña na Raddraaiers Gymnastics, nan ta cordialmente invita pa bin presencia e show y si nan ta interesa, nan ta mas cu bon bini.

E Fundraising aki ta haci’e pa busca mas material pa e scol di gymnasia pa e muchanan por sigui avansa den loke nan ta haciendo.

Raddraaisers Gymnastics ta invita henter pueblo di Aruba y tambe tur mayor cu ta interesa pa nan yiu participa den e scol di gimnasia, ta mas cu bon bini e diasabra aki.

Comments

comments