Racing Club Aruba (RCA) a batisa nan uniform nobo

E team di futbol Racing Club Aruba (RCA) a batisa nan uniform nobo. Den un ambiente ameno nan a haci esey.

Jeff Lopez, presidente di RCA, a indica cu nan tabatin e privilegio di batisa uniform nobo. Esaki ta e prome aña cu tur liga, esta sub 5 te Division Honor, tin mesun estilo di uniform. E ta gradici na tur sponsor cu e aña aki a contribui n’e club, pero tambe cu a haci posibel na e bautismo dje uniformnan p’e campeonato cu ta bin.

E aña aki nan a introduci un technische beleid cu ta enfoca hopi riba e sistema di farm pa desaroya e muchanan. Tabatin un buraco chikito den e sistema di farm y nan kier a catch esaki. El a indica cu esey ta p’e muchanan di chikito por bay Division Honor y p’esey ta enfoca hopi riba e farm system. 

Devin de Veer, tesorero di RCA, a splica riba dia internacional di derecho di mucha nan a bini hunto cu e muchanan di U5 te U20 p’asina batisa e uniformnan pa 2022/2023. Manera semper RCA ta purba di resalta den tur categoria, pasobra nan no kier participa sino competi. Por a haci esey posibel door di nan sponsornan cu ta kere den nan y asina ey tur mucha tin uniform nobo p’e campeonato nobo.

Lopez ta haci invitacion na e amantenan di futbol pa yega stadion y apoya e teamnan. RCA a cera e campeonato como prome luga den Division Honor y nan ta pasa p’e siguiente buelta.