Quota International di Aruba a cuminsa cu nan campaña anual, manera custumber, muy en especial durante e temporada di carnaval, miembronan di Quota International of Aruba ta den pleno campaña di cuido di oido.
Quota ta bishita varios scol basico, pa hunto cu sr. Glenn Rock di WEB, duna informacion riba e importancia pa nos muchanan cuida nan oido. E presentacion cu nan ta duna ta hopi interactivo, y interesante. Ta splica e alumnonan con e oido ta funciona, y con grandi e riesgonan ta cu sonido demasiado halto por causa na nan oido.
Quota a bishita tres scol caba, Sint Rosa College, Colegio San Hose, Colegio Cristo Rey y Quota International di Aruba, ta gradici directiva di e scolnan pa nan cooperacion. Den e proximo dos simannan nos dilanti tin mas scol riba agenda. Ta hopi importante pa nos muchanan sa di tempran con importante e ta pa nan “Cuida nan Oido.”
