E aña aki ta di 31 aña cu Quota ta ofrece e oportunidad pa haci testnan di oido gratis, y sin mester un” verwijsbriefje”, pa e comunidad di Aruba. Quota su lema e aña aki ta: “CUIDA BO MES, CUIDA BO OIDO” Teniendo cuenta cu protocolnan di Covid-19, e aperture a tuma luga cu un minimo di persona na e oficina di FEPO.
Sra Jurette Croes, relacionista publico di DVG, a acepta di ta e VIP pa haci e prome test di oido pa inicia e “Siman di Kibra Silencio” .
Quota ta gradici FEPO y The Specialist ( antes Optica Oduber & Kan) pa nan cooperacion pa hopi aña caba pa haci e testnan di oido durante e “Siman di Kibra Silencio “.
FEPO Y The Specialist ta aplica tur medida necesario di higiena y ta atene nan mes na tur protocol. Pa e motibo aki tambe e cantidad di cita e aña aki ta limita. President di Quota a gradici Sra Jurette Croes pa a acepta di ta e prome persona pa test y a entrega Sra Croes , como aprecio un Quota care bear, naturalmente e care bear tambe cu su tapaboca.
Presente:
Jurette Croes Relacionista Publico di DVG
Farida Feliciana Figaroa President di Quota Club Aruba
Mariela Nava-Figaroa Directora di Servicio
Kristel van Nes Office manager na FEPO
Olga Versteeg Logopedist na FEPO