Quota Club a instala su board nobo. Ivy Simon-Hernandez ta presidente 2019-2020 y a
splica cu e mainta aki tabata sumamente emocionante unda cu a huramenta, priminti, pa un aña cu nan por a haci lo miho pa comunidad di Aruba.
Diadomingo mainta tabata uno emocionante cu tur Quoteria y invitadonan presente, unda cu ta bisa cu conhuntamente cu tur Quoterianan, por bay sigui haci e bunita trabao cu Quota a bin ta haciendo den e ultimo 40 añanan, specialmente riba cuido di oido durante di Carnaval y durante aña ta bay tin nan Fundraising.
Tur aña Quota ta bin cu su fundraising na luna di Juni, pero e biaha aki nan ta bin cun’e na luna di November, pa ta exacto, dia 3, riba un diadomingo, caminda cu nan ta bin cu nan Picnic Danzant. Cu e placa aki nan ta duna bek na comunidad. Instalacion Quota Club ta consisti di 7 miembro. Tin e vicepresidente cual ta Farida Figaroa. Tin secretaria,kende ta Isabel Dammers, kende pa di dos aña ta ripiti. Tin e board directornan tambe cu a keda scogi. Y Ivy Simon mes ta presidente pa e proximo aña.
Kico ta spera Quota a bin di un aña sumamente exitoso. Un Carnaval 65, unda cu e concientisacion di e oido tabata hopi importante. E aña aki, Quota ta bay sigui traha y hunto cu e gobierno di Aruba, ta spera cu e ora ey Quota por yega na algo mas concreto, unda cu sikiera por yega na un acuerdo, pa asina Quota por yega mas pa concientisa riba e oido di nos comunidad, cual dia pa dia e zonido eyfo ta bira mas duro. Por ehempel e avion cu ta subi, bo ta tende un klapchi cu ta zona, tur e zonidonan ey ta contribui na e perdida di oido. Quota Club ta bay traha riba esey e aña aki.
