A pidi presencia di polis den Pagaistraat na Playa pa un supuesto pelea. Na prome instante a papia di dos guy contra un pero na yegada no a topa cu nan como cu nan a bandona sitio caba. E homber a indica cu a push’e y cu e tin rasca na su pia.
Den careda di 5:30 pm, polis a topa cu un persona para na cura y visibelmente agredi. E ta conta cu un persona a bin regla cuenta cu ne pa motibo di potret indecente manda na su pareha y cu no a cay den bon tera.
E homber a bin reclama cu a manda potret indecente na su pareha y cu e no ta acepta e tipo di actonan aki. A cuminsa un discucion cu a termina na agresion. E homber a pusha e otro y consecuentemente el a haya algun rasca na pia. Na su defensa e ta bisa cu e no tin contacto cu pareha di e homber aki y cu e conoce unicamente e ruman homber di dicho dama. E no sa di cua potret ta papiando y cu e no tin contacto alguno cu e pareha di e homber aki pero e sa ken e ta si.
E agresor a presenta te na pia di trabou pa asina reclama e homber di e supuesto potretnan cu el a manda su pareha. Na yegada, polis a tuma dato di tur cos. Mucho mas no por a haci na sitio mirando cu nan a bandona sitio, pero tin atencion di polis como cu ta trata di un persona conoci pa husticia.
