Punto di Oro ta ofrece facilidad pa pasa vakantie na Aruba mes

Si bo tin un bishitante yegando Aruba di vacacion, un di e miho luganan di hospedahe, limpi y economico ta Punto di Oro, situa na Tanki Leendert, no mucho leu di e caminda grandi di Ponton. Esnan cu kier pasa un vakantie na Aruba, por haci uzo di Punto di Oro.

Na yegada ta topa cu Shanti Kanhai, trahando na Front Desk, kende tin tur informacion disponibel pa tur cliente cu yega.

Punto di Oro ta un compleho di apartamento cu 40 camber cu ta masha gusta, principalmente door di bishitantenan di Hulanda o e islanan Hulandes. Punto di Oro ta conoci como un luga hopi trankil, unda cu e huesped ta pasa su vacacion of dianan liber den un ambiente relaha. Nan tin pool y area di BBQ pa e clientenan. Tin Gazebo, si e huesped no ta gusta sinta den solo.

Punto di Oro ta ofrece facilidad pa pasa vakantie na Aruba mes

Punto di Oro ta ofrece facilidad pa pasa vakantie na Aruba mes. Click link pa mas https://24ora.tv/2XNFogs

Posted by 24ora on Monday, July 15, 2019

E cambernan riba nan mes ta basta espacioso. Ta haya apartamento di un camber cu ta hospeda 4 persona. E tin un cushina tambe, un sala cu sofabed y television. E apartamento di 2 camber, tin e mesun facilidad y por acomoda seis (6) persona den dje.

E ta brinda bon siguridad tambe. E frontdesk ta habri di 7.30 di mainta te 9’or di anochi y despues di e hora ey tin seguridad na porta, pa salida y entradanan laat.

Si tin famia cu ta biaha den grupo grandi, nan ta ofrece e facilidad di pone nan den camber banda di otro, of nan por keda den un di e casnan di Punto di Oro. Algun di e casnan ta den e mesun residencia. Tin cas di tres camber y cu tur facilidadnan cu casnan tin. Nan tin Flamingo Residence, cu ta estilo “townhouse”, cu tres camber ariba y abou tin cushina y sala.

Ta facil haci reservacion of haci pregunta. Simplemente bay riba http://arubapuntodioro.apartments/ y eyriba por mira hasta e ofertanan cu nan tin of dianan cu tin tarifanan special. Y awo nan tin special pa islanan ABC. O sea e huesped ta keda 7 dia pero ta paga solamente 5 dia. Esaki ta valido pa vakantie te final di augustus.

Esnan cu no por “afford” pa bay afo, por pasa un siman di vakantie na Punto di Oro, unda por relaha den compania di famia.

Comments

comments