Ya caba pa 6’or di atardi e corteho funebre di e Tata di Cultura Juan Chabaya “Padu” Lampe a sali for di funeraria direccion Plasa Padu, patras di sede di Gobierno, pa pueblo por despedi di dje.
Pa 6.30 di atardi ya pueblo por a cuminsa pasa y tuma despedida di Padu, kende a fayece dia 28 di november ultimo na 99 aña di edad.
Departamento di Cultura Aruba hunto cu e comision di e Fundacion Padu, a hinca un programa den otro, cu diferente artista invita di anto Aruba como di exterior. Un di e prome organisacionnan pa tuma despedida cu honor di Padu tabata Comision Bernadina Growell.
Pueblo tin chens pa acudi na Plasa Padu te cu 10.30 di anochi pa tuma despedida di co-autor di himno di Aruba.
