Pueblo ta opina di e reduccion di prijs di gasolin

Entrante awe, 12 di januari, prijs di gasolin na Aruba a baha cu 8 cen. Nos di 24ora.com y tambe TREMPAN ta tur caminda, na tur momento y a probecha pa asina puntra algun di nos ciudadanonan kico nan ta pensa riba e reduccion riba e prijs di gasolin.

 Algun ciudadano ta contento ya cu awo nan por sali bay haci nan trabou, sin problema. E problema di gasolin, su prijs halto ta haci cu hopi ta e ciudadanonan no por a haci nan trabou of haci uzo di nan auto manera cu mester ta. 

Pa otronan, e reduccion riba prijs di gasolin, e ta un alivio, pero ta haya cu mester baha hopi mas. No por ta asina cu un rato e ta subi y otro banda ta baha. Pero mester tuma nota si, cu e ta algo na nivel mundial. Y esaki ta haci su efecto riba e prijs di gasolin na Aruba. Ta un situacion fastioso ora cu e prijs di gasolin ta halto ya cu e ta afecta hopi di esunnan cu ta haci uzo di un auto pa gana nan pan di cada dia. 

Pueblo ta añora un cambio, pero un cambio berdadero, cu ora cu e gasolin baha e prijs por keda uno pagabel pa e pueblo trahado. E solucion ta den man di esunnan sinta den Bestuurskantoor. Pueblo mes no por haci nada, tabata opinion di un otro ciudadano.

Pa un relato mas amplio, lesa TREMPAN.